Janë regjistruar 2.943 të sëmurë nga gripi në Maqedoni – A do shpallet situatë emergjente?

Gjatë javës së kaluar (prej 11 deri më 17 shkurt), në shtet janë regjistruar 2.943 të sëmurë nga gripi, që është rritje për 31 për qind krahasuar me javën para asaj kur ishin regjistruar 2.246 të sëmurë nga gripi, citohet në raportin, që në ueb faqen e saj e publikoi Instituti për Shëndet Publik

68

Gjatë javës së kaluar (prej 11 deri më 17 shkurt), në shtet janë regjistruar 2.943 të sëmurë nga gripi, që është rritje për 31 për qind krahasuar me javën para asaj kur ishin regjistruar 2.246 të sëmurë nga gripi, citohet në raportin, që në ueb faqen e saj e publikoi Instituti për Shëndet Publik.

Numri i personave të paraqitur këtë javë është më i vogël për 21,1 për qind krahasuar me periudhën e njëjtë të sezonit të kaluar.

Këtë javë, në laboratorin virologjik të ISHP-së kanë arritur 112 materiale për testim të gripit, prej të cilave 72 (64,3 për qind) janë pozitive për praninë e virusit të gripit – 50 influenza A(H1)pdm, nëntë influenza A(H3) dhe 13 influenza A të pasaktësuar.

Numër më i madh i të sëmurëve (1.861) janë paraqitur në grupmoshën prej 15-65 vjet, ndërsa incidencë më të lartë prej 284 në 100.000 banorë është regjistruar te fëmijët e moshës deri 4 vjet.

Advertisement

Sipas të dhënave të 26 njësive raportuese, numër më i madh i të sëmurëve janë paraqitur nga rajoni i Qendrës për shëndet publik Strumicë (486), ndërsa incidencë më e lartë është regjistruar në rajonin e Njësisë rajonale Kavadar (673,9 në 100.000 banorë).