Një katër vjeçar nga Kosova gjendet i vdekur në Zvicër

Vogëlushi të enjten i shoqëruar nga nëna e tij kishte vizituar këndin e lojërave të lagjes, kur rreth orës 16:30 nuk ishte parë më nga nëna, Burbuqe M.

101

Një katër vjeçar nga Kosova me emrin Zenel M, fillimisht ishte raportuar i zhdukur në Möriken-Wildegg AG.

Vogëlushi të enjten i shoqëruar nga nëna e tij kishte vizituar këndin e lojërave të lagjes, kur rreth orës 16:30 nuk ishte parë më nga nëna, Burbuqe M.

Të premtën policia e kantonit Aargau bëri të ditur se vogëlushi u gjet i vdekur.

Autoritetet besojnë se katër vjeçari nga Kosova ka rënë në lumin Aare i cili është afër aty dhe niveli i lartë i ujit e ka bartë trupin e tij.

Advertisement

Babai Asman M, me këtë rast ka deklaruar se djali i tij kishte qenë duke lozur me fëmijet e tjerë, dhe pas disa xhirove me biçikletë nuk u gjend më.

Ai shtoi se biçikleta e tij u gjend tek hyrja e objektit banesor ku ata jetonin, shkruan Blick.ch përcjellë Klan Kosova.

Pas një kohë që nuk u lajmërua prindërit u vënë në lëvizje për ta gjetur.

Policia ishte aktivizuar me gjitha mjetet por nuk kanë arritur ta gjejnë.