Postat e Maqedonisë, AIM dhe ELEM me emra të rinj

Në mbledhjen e sotme qeveritare u shqyrtua dhe u miratua edhe raporti i grupit punues për zbatimin e obligimeve të marrëveshjes përfundimtare me Republikën e Greqisë, ku emërtime të reja morën AIM, ELEM, dhe Postat e Maqedonisë

124

Në mbledhjen e sotme qeveritare u shqyrtua dhe u miratua edhe raporti i grupit punues për zbatimin e obligimeve të marrëveshjes përfundimtare me Republikën e Greqisë, ku emërtime të reja morën AIM, ELEM, dhe Postat e Maqedonisë.

Siç njoftojnë nga shërbimi qeveritar për shtyp, emri i ri Agjencisë Informative të Maqedonisë nga tani do të jetë Agjencia Informative Mediatike, emri i ri i Elektranat Maqedonisë ELEM që do të jetë Elektranat e Maqedonisë së Veriut ESM dhe Postat e Maqedonisë do të riemërohet në Postat e Maqedonisë së Veriut, njofton Telegrafi Maqedoni.

Përndryshe, riemërimi i institucioneve shtetërore të Maqedonisë së Veriut vjen si pasojë e marrëveshjes së Prespës që u arrit mes Maqedonisë dhe Greqisë më 17 qershor të vitit të kaluar.

Advertisement